Nongpoh, Nailur 14: Ki kyntien kiba u runar u la kren hadien ba la pyniap ia ka kurim, kaba u ong, “Ngam babe bad ngam pan map ba pyniap ia ka Lok” bad mynta ka sngi pat ka jingim jong une u runar ka la kut ha ka jingiap hadien ba la kynnoh ba u la kynthih na ka Kali Ki pulit katba ki dang rah ia u ban leit phah sumar sha Hospital ha Guwahati.
Kum ban pynkynmaw, une u Runar ba la kynnoh ba u la pyniap ia la ka kurim bad byrngem ruh ban pyniap ia uta u Sugar Daddy, u dei uba ba la tip kyrteng kum u Ramanuj Goswami bad mynta ka sngi u la duh noh ia la ka jingim hadien ba u la kynthih kynsan na ka Kali ki Pulit kaba la jia dang step pyrngap.
Katkum ka jingpyntip u DCP ka East Guwhati u TR Pegu, la ong ba u Ramanuj Goswami u la ong ba une u runar ba la shah kem u don ha ka jingtohkit ki Pulit kaba hynniew sngi ha Hatigoan Police Station, kaba dei halor ka jingkynnoh ba u la pyniap hi da lade ia la ka kurim.
U la iathuh ruh ba kane ka jingjia ka la jioa ha ka por 2 baje mynstep hadien ba la rah ia u Goswami sha Guwahati Medical College and Hospital na ka bynta ban medical examination.
La ong ruh ba la don ka jingjia ba ka tyre jong ka kali ka la lait lyer bad sniew ha shiteng lynti bad la shna biang ia katei ka tyre kali ba la sniew da ka spare tyre.
Pule ruh: Lap Ka CSWO Ba Shah Iehnoh Bein Ka Skul Sorkar, Hap Shongdum Ki Paidbah Ha Lamalong
“Dei hadien ba la dep shna ia ka tyre kali ba ka Kali ka la iaid biang kaba la jia ha jan Nursing College, u Goswami u la ktah kti kynsasn da ka bor ia ki Pulit ba pahara ia u da kaba u la shu kynjat kynsan bad ha kum kane ka por u la ioh lad ban plie ia ka jingkhang Kali na ka Bolero ba u la kynthih ia lade ha ka por ba dang iaid sted bha ka Bolero” ong u Pegu.
U la iatuh ruh na kane ka jingkynthih na jrong ka Kali Bolero kaba la iaid sted une u runar ula mynsaw jur bad la rah noh mar mar ia u sha Guwahati Medical College and Hospital, ha kaba ki Doctor ki la pynbna ba u la dep khlad lypa na ka jingmynsaw.
Peit ruh:
Shuh shuh, u la iathuh ruh ha ka por ba u kynthih na ka Kali la don lang wat u Officer in-charge, u Investigating Officer bad kiwei ki Pulit kiba pahara ia u bad halor kane ka jingkhlad noh jong u na ka jingmynsaw ba kynthih na katei ka Kali ki bor pulit ki la dep pyntip ruh sha kiba haing hasem jongu bad la leh ruh katkum ki kyndon jong ka ain.
