Na u Conrad, Prestone bad Sniawbhalang dawa ka CSWO ban shim khia halor ka jingthud ki Network

Nongpoh, Nailur 14: Na ka jingeh bad ki jingjynjar ba ia kynduh ki paidbah ha ka jylla ha kiba bun ki jaka kaba dei na ka jingbym biang ki Network jong ki mobile phone, ka Kong Christabell Wanniang kum ka General Secretary ka CSWO mynta ka sngi ka la mih ban kren halor kane ka mat kaba dei halor ka nongrim ba bun ki paidbah ki la wan ban ujor sha ka ban ia kren lem halor kane ka jingeh sha ka sorkar jylla.

Haba ia kren bad ki Nongthoh khubor, ka Kong Christabell Wanniang ka la ong ba kum ka nongialam ka sngewkhia halor ka jingujor ki paidbah bad ka dap ruh da ka jingsngewkhia ba kane ka jingeh ym dei ba la kynduh tang da ki paidbah, hynrei ma ka ruh kum ka nongialam ka la mad hi da lade halor ka jingbym biang ka Network kaba la ktah shisha ia baroh ki jaid kam ha kaba ha kane ka juk ba mynta la jan baroh ki jaid kam la donkam lyngba ki bor internet.

“Kane ka jingbym shim khia ki trai jong ki Company naduh ka Airtel, Jio bad wat ka BSNL ka dei namar ba kam ju don ka jingiakren na ka liang ka sorkar jylla” ong ka kong Christabell Wanniang kum ka Secretary ka CSWO.

Pule ruh: Leh burom ka BJP Ri Bhoi da kaba leit buh syntiew haka lyngkhuh sngi iap ba shi snem u Dr. D.D Lapang

Ka la ong ruh ka jingbym don internet ka ktah ym tang ia ki riew paidbah bad ia ki tnad sorkar bapher bapher lada ym don internet, hynrei kane ka ktah ruh wat ia ki khynanh skul ne ki samla pule, namar ha kane ka juk la bun ha ki jingpule ki hap ban donkam ia ka bor jong ka internet.

Peit ruh: 

Namarkata, ka la kyntu jur naduh u Myntri rangbah ka jylla u Conrad K. Sangma, ki symbut myntri ka sorkar jylla naduh u Bah Prestone Tynsong bad u Bah Sniawbhalang Dhar ba ki hap ban kren ia kane ka jingeh sha ki Company kiba pyniaid ia kine ki Internet lyngba ki Tower bapher bapher, namar ka jingbym biang ka Internet ka la ktah lut ha baroh ki jaid kam ha kane ka juk stad kaba ngi hap ban pyndonkam da ki bor jong ki internet, ka la bynrap.