Shillong, Risaw 06: Ki Pulit ka East Khasi Hills hynne ka sngi kila kem noh ia u Sagar Gunni (32 snem) uba thombor bad tuh iaka Mobile Phone jong ka samla Silvina T Sangma (26 snem).
Lah ban kdew ba kawei ka samla ba tip kyrteng kum ka Silvina T Sangma (26 snem) kaba trei ha Reliance Trends Nongmensong kala mynsaw jur hadien ba shah dung daki tiar ba nep na bynta ryndang.
La iathuh ba kane ka samla kala shah thombor haka por kumba 9 baje mynmiet tam ha Nongmynsong hajan Reliance Trends katba ka dang leit phai shala iing.
Haba pyntip halor kane u Superintendent of Police (SP) City u Bah Dangsan Khyrim ula iathuh u runnar ba shah kem udei uba la tip kum u Sagar Gunni (32 snem) bad udei u briew u bym don iing don sem (Homeless).
U Bah Dangsan ula iathuh ba u runnar u dang shah sumar ha Civil Hospital hadien ba ula mynsaw namar ka jingshah shoh haki paidbah kiba ioh bad noh ia u katba u thmu ban phet hadien ba thombor iaka samla.
“Ka samla ia mynta ka dang shah sumar ha NEIGRIHMS Hospital bad ia ka mynta ka lait naka jingma” la ong u Bah Dangsan.
U SP ula iathuh ba kane ka samla kala shah katba ka dang mih na jaka trei Reliance Trends Nongmensong bad hadien bad ban lait naka jingshah pynmynsaw shuh shuh kane ka samla kala aiti iala ka phone sha u runnar bad kala phet biang sha jaka trei.
“Ki para ba ia treilang kila pyntip sha Nongmensong Outpost bad kila pynkit iaka sha NEIGRIHMS ban ioh jingsumar” ula ong.
Nalor ka jingshah thombor, ki suba kyrni drok kila lute ka pisa bad ka mobile phone na kane ka samla.
Ia kane ka samla la ioh pyllait daki nong shong shnong kiba la pynkit iaka sha NEIGRIHMS ban ioh jingsumar.
Sa peit ruh
