Na ka daw ka jingbteng jong u slap ban hap ha kine ki sngi, mynta ka sngi ruh ka la don ka jingtwa lum ha ka por 12 baje ei ei mynsngi, hajan ka Petrol Pump bad ha kane ka jingjia, ym shym la don kano kano ka jingjia ba sngewsih bad lait noh ka jingtwa khyndew kaba la jur.
Kane ka jingwa lum ka dei ha Petrol Pup ba la ai kyrteng Merrily Service Station, kaba dei ka Petrol pump kaba don ha ka shnong Pahamlang, 17mer, ha syndah ka surokbah National Highway-6 ha Ri Bhoi District.
Kumba la iohi ne sakhi, kane ka petrol Pump la shna hapdeng u lum ba la shu tih da ka Puhshilum bad wat ha ki por ba la leit noh ka la don jingma lypa bad mynta ka sngi pat da ka jingbteng u slap ban hap bad ba la synjor ka khyndew, ka la don ka jingtwa lum kaba jur ha syndah katei ka petrol Pump bad donbok pat ba ka khyndew kam shym la tap ia katei ka petrol Pump bad ruh ba ym don satia kata ka jingjia ba sngewsih.
NA KA JINGBTENG KA JINGHAP SLAP, TWA KYNSAN U LUM HAJAN KAWEI KA PETROL PUMP HA RI BHOI
