Ka lympung ialehkai Badminton ba la pyniaid da ka Eastern West Khasi Hills District Badminton Association kaba la tip ruh kum ka 4th Eastern West Khasi Hills District Open Cum Inter School Badminton Tournament 2024, kala pynhap pyrda noh ïa katei ka lympung haka 19 tarik Naitung kaba long shi bynta ban kyntiew ia ki khun samla ha ki kam ïalehkai sports ba ki khun samla kin lait na ki jingdih kiba sniew kum u drok, kyiad bad kiwei kiwei.
Kum ban shu pynkynmaw, ia katei ka lympung ialehkai badminton ba 3 sngi lynter la sdang naduh ka 16 tarik bad pynkut noh haka 19 tarik Naitung bad kumba 9 tylli ki skul ba hap ha Eastern West Khasi Hills District kila wan ban shim bynta.
Ha ka jingiakop Batminton jong ki skul, Na ka liang ki Shynrang ka Mairang Presbyterian Academy Secondary School ka la long ka lahduh hakaba la is shim bynta da u samla Mewanlamkupar Marbaniang bad u Samla Jopshwa L Mawnai bad naka liang ki khynthei ka Khatsawphra Higher Sec School ka la khur iaka nam lahduh ha kaba la ia shim bynta daka samla Caitlyne Basaiawmoit ka samla Adorene Wankadahun Basaiawmoit bad ka samla Doreen Ryntathiang.
Haka jingiakhun Open to all, iaka nam lahduh jong ki kynthei haka kyrdan kiba hapoh 13 snem (Single)la rah da ka samla Freeza Nongrum bad ha (double) la rah daka samla Freeza Nongrum bad ka samla Baphindari L Kynshi kila long ki lahduh.
Ha ka kyrdan jong ki shynrang kiba hapoh ka 13 snem ka rta(single)la rah da u Ambanshanhame Basaiawmoit bad ha ka jingiakhun(double) jong kiba hapoh 13 snem ka rta la rah da u Venial Mardon Kharjana bad u Mewanbhalang Pathaw.
Haka jingiakhun jong ki khynthei kiba hapoh ka 16 snem ka rta(Single) la rah da ka samla Iranylla Timbah, ha ka jingiakhun jong ki (double) ka samla I Banylla Thabah bad ka Ibapyntingen Warjri ki la khur iaka nam lahduh, ha ka jingiakhun jong ki shynrang kiba hapoh ka 16 snem ka rta u samla Felza Osbert Nongrang u la lah kum u lahduh bad ha ka (double) u samla Felix Osbert Nongrang bad u samla Lamjingshai Pathaw ki la khur iaka nam lah duh.
Haka jingiakhun jong ki kynthei haka kyrdan kaba hapoh 19 snem ka rta (Single) ka Samla Talycine Basaiawmoit ka la ioh ban rah iaka nam lahduh bad naka liang ki shynrang la rah da u Samla, Mewanlamkupar Marbaniang. Haka jingiakhun haka kyrdan (Double) naka liang ki shynrang la rah da u Samla Mewanlamkupar Marbaniang bad u samla Bawanlang L Mawnai.
Haka kyrdan jong ki senior haka jingiakhun Single u samla Mewanlamkupar Marbaniang u la long kum u lahduh bad haka jingiakhun double u samla Mewankupar Marbaniang bad u samla Stephan Vanlalruata Kharsyiem ki la long kum ki lahduh bad na ka liang ki kynthei ka samla Naniaiphira Wahlang bad ka samla Deisicresha Marbaniang kum ki lahduh bad ha ka jingiakhun haka kyrdan mixed double u samla Menanlamkupar Marganiang Bad Ka Samla Deisicresha Marbaniang kum ki lahduh.
Ha katei ka sngi pynhap pyrda ia katei ka lympung la wan ban sakhi daka kong Balarina Syiem, District Sports Officer DSO West Khasi Hills District kaba la shim ia ka bynta kum ka kongsan haka jingiadon ryngkat lem bad ki nongialam lem bad ki nongkitkam jong ka Eastern West Khasi Hills District Badminton Association, ki kynrem ki lyndan, ki nonghikai ki khynnah skul lem bad ki nongiashim bynta.
