Shisngi hadien ba u Superintendent of Police ka East Khasi Hills District u Bah Sylvester Nongtnger u la pynmih ia ka jingmaham pyrshah ia kito kiba pynkheiñ ia ki kyndon ñiah kali ha kane ka Nongbah Shillong, mynta ka sngi, ki bor pulit ka East Khasi Hills District ki la pynlong ïa ka jingkhynra naphang ïa ki kali bad la tar naphang ïa kito ki kali kiba la tah ïong ha ki ïit kali jong ki bad wat ki heh ki haiñ ruh ki la ngat ha kane ka kyndon aiñ ba la pyntreikam da u SP.
La sakhi, ba ha kane ka jingkhynra ïa ki kali, ha kylleng ki bynta jong ka sorkar Shillong, ki pulit ka East Khasi Hills District ki la bat ïa kito ki kali kiba pynkheiñ ia ki aiñ ñiah kali bad daiñ ruh da ka kuna kum ka kum ka jingpynshitom ïa kito ki nongñiah Kali kiba pynkheiñ ia ki aiñ ñiah kali bad ruh ïa kito ki bym biang ruh wat ïa ki kot ki sla kali.
U Bah S. Nongtnger kum u SP ka East Khasi Hills District, u la dep maham lypa ïa baroh ki nongñiah Kali ba ki dei ban burom ïa ki kyndon aiñ ñiah kali la dei ha sor Shillong ne shabar district, bad na ka liang ka tnad pulit ka jylla kin nang ïai bteng ban talasi ne peitngor na ka por sha ka por ïa kito ki bym burom ïa kine ki kyndon aiñ.
