U President ka Voice of the People’s Party (VPP) u Bah Ardent Miller Basaiawmoit hynne ka sngi u la kam ba ka ki don ki briew na Ri lum Garo Hills, kiba la pynpaw baka VPP ka dei ban pyniakhun ha ka ilekshon shiteng samoi na Gambegre constituency.
Haba kren sha ki lad pathai khubor u Bah Ardent ula ong baka Party kam pat kwah ban rai kyrkieh, hynrei naka liang ka Party ka kwah ba ki briew ki dei ban kyrshan daka jingsngewthuh, ym daka jingshong shit.
“Ki briew ha Rilum Khasi Jaintia ki kyrshan iaka VPP daka jingsngewthuh namar kata ka VPP ruh kan hiar sha Rilum Garo daka jingsngewthuh, daka lynti ba dei bad naka liang ka Party kan sa hiar ban pynsngewthuh halor ki nongrim jong ka Party” la ong u Bah Ardent.
U Bah Ardent ula kam ruh ba ki don bun ki briew napoh ki Jylla ka thain shathei Lammihngi (North East) kum napoh ka Jylla Tripura, Mizoram bad Assam kiba kwah ban ia don bynta lang bad ka VPP hadien ba kila sngewthuh iaka nongrim jong ka Party.
“Kumta, naka liang ka VPP kan pyrshang ban iakren ia ki nongialam saiñ pyrthei jong ki Jylla bapher bapher ka thain Shatei Lam Mihngi naka bynta ban dang pynsngewthuh bad pyniar shuh shuh ïaka party VPP” ula bynrap.
