Ha kawei na ka jingjia ba sngewsih ha Nongstoin, uwei u briew u bala tip kyrteng kum u S Kumar 22 snem ka arta na Jharkhand bad uba dei ruh u nongbud jong ka wei ka trok u la khlad noh ha shen hadien ba ka trok ba u bud kala kylla ha kawei na ki jaka ba long riat hapoh ka shnong Riwiang ha West Khasi Hills District
Katkum ka ka khubor na ki Pulit ka West Khasi Hills, la ong ba katei ka jingjia kala jia ha ka janmiet ka 8 tarik Nailar 2024 ha ka por 3:00 PM eiei bad ka la ong ba katei ka trok ka don ïa u number JH 04 AB 1503 kaba dang wan na West Bengal da ka jingthmu ban leit sha kaKkarkhana saiñ nar ha Riwiang hynrei mar ïapoi ha katei ka jaka ba long riat ka la hap noh sha riat.
La ong ruh ba ha kane ka jingjia, utei u nongbud ka trok u la shah ban haduh ba u la ngam shapoh ka ktieh tad haduh ba un da khlad ha shen. La ong ruh ba ka la shim por ban ïoh sei ïa ka met ka jong u hynrei lyngba ka jingwan ai jingïarap ka tnad Fire and Emergency Service tang katto katne kynta la lah ban sei noh ïa ka met ba sahkut ha kapor kumba 7:00 PM katba ïa u nongñiah jong katei ka trok la pynkit noh mar mar sha ka jaka ai jingsumar na ka bynta ban ïoh ki lad jingsumar ba kyrkieh.
Na ka liang jong ki pulit kila register ïa ka case bad ka jingtohkit halor katei ka jingjia ka dang ïaid shakhmat
