Ka Jylla Meghalaya bala mihkhmat da ka Mynken Christian Higher Secondary School kala lah ban pynliem noh ïaka Chandigarh da 1-0 kol haka jingïakhun ba ar jong ka U-17 Subroto Cup International Football Tournament 2024 kaba la long ha New Delhi.
Kum ban shu pynpaw ba ka Chandigarh ka dei ka lahduh jong ka Subroto Cup ha u snem bala dep, hynrei da ka jingtbit ki rangïalehkai ka jylla Meghalaya kila lah ban pynjem khnap noh ïa katei ka kynhun mynta ka sngi da 1-0 kol bala ioh ban thep da u Bannganson haka minit ba 16.
Ka Meghalaya mynta kan pynkhreh pat ban ïakhun bad ka Bihar lashai ka 4 tarik naduh ka por 4:30 janmiet.
