Ha ka jingiakhun ka UEFA Champions League, ka Bayern Munich, ka klob ialehkai phutbol ba bna nam eh na Germany, ka la pynliem kput ia ka kynhun ialehkai na ri Croatia ka Dinamo Zagreb haduh 9-2 kol.
Katei ka jingiakhun ka la long hynnin ka miet ha Allianz Arena Stadium, Germany bad ha katei ka jingiakhun, u Harry Kane, u rangialehkai ialehkai phutbol ba kynsai ka England, u la long kum u namtam, ha kaba u la ioh ban khur ia ka Hat-trick, namar ba u la lah ban thep haduh 4 kol marwei.
Lyngba katei ka jingiakhun ha ka UEFA Champions League, u Harry Kane, u la ioh pynkhihjar nyngkong ha ka minit ba 19 jong ka kylla step ka jingiakhun bad ki 3 kol pat u la thep ha ka kylla miet ka jingiakhun, kata ha ka minit ba 53, 73 bad ha ka minit ba 78.
Lyngba ka jingioh ban thep haduh 4 kol marwei ha ka jingiakhun pyrshah ia ka Dinamo Zagreb, u Harry Kane, u la tam ia ka Rekod kaba la bat da u Wayne Rooney, u rangialehkai ka England uba u la lah ban thep haduh 30 kol ha ka UEFA Champions League, hynrei mynta pat u Harry Kane, u la kylla long kum u rangialehkai na ka ri England ban ioh thep bun kol eh ha ka UEFA Champions League, hadien ba u la ioh ban thep haduh 33 kol.
Ia ki kol na bynta ka Bayern Munich, ban poi shaduh 9 kol, 4 kol la thep da u Harry Kane, nangta u M. Olise u la ioh thep 2 kol, bud sa ka kol na u L. Sane, u R. Guerreiro bad u L. Goretzka. Katba ia ko kol na bynta ka Dinamo Zagreb la thep da u B. Petković bad u T. Ogiwara.
