Ka seng Hynniewtrep Youth Council North West khasi Hills District da ka jingthmu ban pynpaw ia ki mat ba ka kwah ban ia kren na ka bynta ka jingbit jingbiang lang ki paidbah ka District mynta ka sngi ka la leit ban ia kynduh ia u Medical Superintendent ka Tirotsing Memorial Civil Hospital ban pan jingshai halor kitei ki mat ba ka thmu ban rah ha katei ka jaka ai jingsumar.
Kine ki mat ba ka seng ka kwah ban pan jingshai ki kynthup ia ka jingpynshlem ban ai ia ki Birth Circitificaate bad ruh ka jingkynnoh ba ka don ka jingthungkam sop sop ia ki post officiate ha katei ka jaka ai jingsumar.
Ha ka jingleit kynduh ia u Medical Superintendent katei ka Civil Hospital la ialam da u Samla Shembor Langrin Ge,eral Secretary bad u Samla Wallam Jarain Organizing Secretary lem bad ki dkhot katei ka seng. Ha ka jingleit ia kynduh ia u MS katei ka Civil Hospital ki la ioh ban ia kren bad ban pan Jingpynshai ha kaba U samla Wallam Jarain la ïathuh ba ka jingslem ban ai ia ki birth Certificate kadei namar ka jingduna ki nongtrei bad sa kawei pat ka dei ka daw ka jingslem ki paidbah ban pynbiang ia ki kot ki sla.
Shuh shuh, u Samla Wallambok Jarain u la kam ruh ba ka seng dang shen ka la lap ba ka don ka jingthep kam sop sop ha kane ka jaka ai jingsumar bad la kynnoh ruh katba ki samla kiba wan thep kam ha kane ka jaka ai jingsumar la shem ba kam don kano kano ka sanction post lane ki post kiba lait ha kane ka jaka ai jingsumar.
Halor kane ka bynta, na ka liang ka seng ka dawa na ka sorkar ba ka dei ban mang noh ia ki post bapher bapher kiba don ha kane ka jaka ai jingsumar bad ym ban shut hung tang da ki post officiate, namar lada ka sorkar ka lah ban thung kam da ki post kiba la lait kan lah ban dang pynbha ia ka jingshakri ha kane ka jaka ai jingsumar kumba ka seng ka la ioh jingtip ba ka don ka jingduna ki nongtrei ha kane ka jaka ai jingsumar, u la bynrap.
