Nongpoh, K’lyngkot 09: Ban wan rah ia kata ka jingkylla ba hap ban pyndonkam lyngba kita ki kor ki bor ka juk mynta na ka bynta ki nongshong shnong ki jylla Shatei Lam Mihngi ka Ri India mynta ka sngi la pynlong ia ka prokram kaba kyrpang eh kaba la tip kum ka “Customization, enhancement, and deployment digital solution” kaba long ka prokram kyrpang ban ai jinghikai halor ki rukom treikam lyngba kita ki kor ki bor ka juk stad mynta ban wan rah kata ka jingkylla ha ki jylla shatei lam Mihngi ka ri india.
Kane ka prokram kypang la pynlong ha College of Post Graduate Studies in Agricultural Sciences (CPGSAS), CAU, Umïam bad kane ka prokram ka dei ruh shi bynta ka projek lyngba ka Ministry of Electronics and Information Technology (MeitY), ka Sorkar India. Ki lai tylli ki tnad treikam ruh ba kynthup ia ka Digital India Corporation (DIC), New Delhi, North Eastern Space Applications Centre (NESAC), Umïam, bad ka College of Post Graduate Studies in Agriculture Sciences, (CPGSAS), CAU (Imphal), Umïam ki don bynta ha kaba pyntreikam ia kane ka projek kyrpang.
Nalor ki nongrep bad kiwei kiwei kiba don bynta ha kane ka projek, la don ryngkat ruh ha kane ka sngi da u Prof. Gautam Barua, Former Director jong ka IIIT Guwahati; u Mr. Manoj Kumar Jain, Senior Director, MeitY; u Dr. K.K. Sharma, In-charge Director, NESAC; u Dr. Mukul Sinha, Director, Expert Software; u Mr. Rahul Kumar Neiwal, Scientist D, MeitY; u Mr. Vinay Bhatia, Former Senior Director, MeitY; bad ka Dr. Hemlata, Director, IGNOU.
Kumba la sakhi ha kane ka sngi bad ba ai jingkren da kitei ki riew shemphang, ka phang pdeng kaba hakhmat eh kaba ki la ia kren ki kynthup ban pyntreikam ia kita ki kor ki bor ba la tip kum kita ki Digital Technology, ha kaba yn pyntreikam ha ki tnad bapher bapher, kaba long shi bynta ban pynkup bor kyrpang ia ki nongshong shnong ki jylla shatei lam mihngi ka ri India, kaba dei lyngba kata ka projek ba la wan rah lyngba ka Ministry of Electronics and Information Technology (MeitY).
