Nongpoh, K’lyngkot 21: Ki heh nongialam ka na ka Party Congress ha Jirang, mynta ka sngi ki la rai ban pyniasoh noh ïalade sha ka NPP bad ia kitei ki heh nongialam ka Congress, la pdiang sngewbha da u Bah Sosthenes Sohtun, MLA Jirang bad uba dei ruh u kyrtong ka NPP ha kane ka Ilekshon MDC na Jirang Constituency.
Kitei ki heh nongialam ka Congress ha Jirang bad kibaa rung sha ka NPP, ki kynthup ia u Abraham Sangma, Adviser ka Jirang Block Congress Committee, (JBCC), nangta u Markus Sangma, Vice-President ka JBCC, u Bijoy Ronghang, Joint Secretary lem bad kiwei, ha kaba la pdiang sngewbha ia ki ha shnong Nongthymmai, Byrnihat.
Hadien kata, sa ha kawei pat ka jaka kata ha shnong 13mer Tamulkuchi, ki la don sa kiwei pat ki nongialam ba hakhmat jong ka TMC, kiba kynthup ia u Jamilson Sangma, President ka TMC Jirang Block, u Rickstar Sangma, nalorkata ki don pat sa ki nongialam bad nongkyrshan Party Congress na ki shnat treikam bapher bapher, ki la rung noh ïalade sha ka NPP, ha kaba la pdiang sngewbha ia ki da u Bah Sosthenes Sohtun, ha ryngkat ka jingdon kiwei pat ki nongialam ka NPP Jirang Block.
