Nongpoh K;lyngkot 21: Shi bynta ka jingrakhe ia ka Meghalaya Day kaba dei ka sngi ba ka jylla ka la ioh la ka jong ka jylla kaba pura ha ka 21 tarik Kyllalyngkot 1972 bad mynta ka sngi kum ka jingrakhe ia kane ka sngi kyrpang, ka ophis u District Sports Officer ka Ri Bhoi ryngkat ka jingiatrei lang bad ka ophis u Deputy Commissioner ki la pynlong ia ka jingiamareh Marathon kaba la tip kum ka Meghalaya Day.
La sdang ia kane ka jingiamareh na Lay-Bye Market Dulongnar bad la pynkut ha Indoor Stadium Umlyngkdait, Nongpoh ha ka jingjngai kaba 7 km.
La wan ruh ban plie paidbah ia kane ka Meghalaya Day Run da u Abhilash Baranwal, Deputy Commissioner ka Ri Bhoi District ha ka jingdon ryngkat u Bah Bobby L Nongbet DSO Ri Bhoi, lem bad kiwei kiwei. La shim bynta ruh ha kane ka jingiamare da ki khynnah, ki samla bad ki rangbah na ka dong bad ka thain Ri Bhoi.
Ki Nongjop ha kane ka jingïamareh thong haka kyrdan ba nyngkong haka liang ki shynrang ïaka nam lahduh la rah da u samla Monas Bongrung, u Samla Robinwell Kharbudnah u la wan ha ka kyrdan ba lai bad u Piku Nath u la wan ha kyrdan ba lai bad ha ka Liang ki Kynthei ka samla Sildaris Makri ka la wan ha kyrdan ba nyngkong, ka samla Alisha Syngkli ka la wan ha kyrdan baar, bad ka samla Shimtimon Lyngdoh ka la wan ha kyrdan ba lai, Bad ïa ka nam kiba la San haka rta naka liang ki kynthei la ïoh da ka kong Sonra Rani bad ha ka Liang ki Shynrang la ioh da u Bah Pel Bey.
Na ka Liang ki Nongpyniaid na ka ophis u District Sport Officer ka Ri Bhio, kum ka jingpynshlur bad ai mynsiem ia ki Nongshimbynta ki la Sam ia ki khusnam sha ki nongjop ha District Library Nongpoh kaba ki la pynlong ia ka jingrakhe ia ka Meghalaya Day.
