Pakistan, Lber 16: Kumba 7 ngut ki shipai Pakistan kila duh noh ka jingim mynta ka sngi u Blei bad kumba 30 ngut kiwei pat kila mynsaw jur hadien ba ki lehnoh Baloch Liberation Army (BLA) kila leit ban thombor ïaka bos ba kit ïaki shipai Pakistan kaba dang mih na Quetta ban leit sha Taftan ba hap ha Noshki District jong ka ri Pakistan.
Ka tyllong khubor na ki heh sorkar jong ka Pakistan, ka ong, Ka kynhun jong ki bor pahara, kaba ïaid na Quetta sha Taftan, kaba don kumba 7 tylli ki bus bad ar tylli ki kali, ki la shah thombor hadien ba ki lehnoh kila leit ban tynrah da ka kali bala thep bad kit da ki bom pynbthei haduh ba kawei ka bos kala ingkhong khaid ha katei ka jingshah thombor bad 7 ngut ki shipai kila duh noh ïala ka jingim bad bun ngut kila mynsaw, bad ka jingiap ka lah ban nang kiew.
Ka kynhun Baloch Liberation Army (BLA) ka la shim ia ka jingkitkhlieh halor katei ka jingshah thombor kaba shyrkhei ha ka District Noshki jong ka Balochistan Province jong ka ri Pakistan bad kam ruh ba ha katei ka jingthombor kila ioh ban pyniap haduh 90 ngut ki shipai jong ka Pakistan kaba wan ruh tang hadien khyndiat sngi ba ki lehnoh BLA kila ioh ban rahbor ïaka rel Jaffar Express kaba don ruh kumba 450 ngut ki nongleit jingleit.
