Shillong, Lber 18: Ka tnat Directorate of Sports and Youth Affairs jong ka sorkar Meghalaya ka la phah haduh 82 ngut ki samla na ka jylla, na ka bynta ban leit shim bynta ha ka North East Youth Festival 2025 kaba long ha Gangtok, Sikkim naduh ka 17 tarik u Lber haduh 20 tarik u Lber 2025.
Kine ki kynhun samla na ka jylla Meghalaya kiba la shah jied ban leit shim bynta ha katei ka lympung kin sei ia ki sap ki phong jong ki ha ki jingialehkai bapher bapher kum ka jingrwai tyrnrai, ki jingshad tynrai, ki jingiakop kylli jingkylli, ka jingiakop tem, ka jingiakop tem Guiter bad kiwei kiwei ki jaid jingialehkai.
Kum ban pynkynmaw, u Shri Om Prakash Mathur, u Lat ka jylla Sikkim u la plie paidbah ia katei ka North East Youth Festival da ka jingdon lang ki riew heh riew hain bad ki myntri sorkar, ki MLA na ka jylla Sikkim. Ki samla ba mihkhmat na ka Jylla Meghalaya ki kynthup 57 ngut na Khasi Jaintia bad 25 ngut na Rilum Garo.
