Shillong, Jylliew 18: Ka Ministry ka tnat Home Affairs (MHA), ka sorkar India ka la buh lypa ka jingmaham ba hap ban long adkar ha ka 18 bad 19 tarik u Jylliew 2025, ba la lah ban don ka jinghap slap kaba jur,ka jingbom pyrthad kaba jur bad ka eriong kaba jur ha ki bynta jong ka jylla Meghalaya bad ka jylla Assam. Kane ka jingmana ban long kiba peitngor ka lah ba ktah ruh ha ka 20 tarik u Jylliew 2025.
Kane ka jingmana ban long kiba peitngor, ka dei ruh katkum ka jingbatai jong ki riew shemphang ka sorkar halor ka jinglong jingman jong ka mariang, kaba lah ban ktah ia ki District ha kine ki ar tylli ki jylla kaba lah ruh ban wan rah ka jingshlei um bad ka jingtwa khyndew ba ngi hap ban long kiba peitngor ban lait na ki jingjia ba sngewsih.
Ha ka jingkyrwoh ba la pynlait ha ka sng Baar jong ka taiew, ka Assam State Disaster Management Authority (ASDMA) ka la pyntip bad mana ba kan don ka jinghap slap kaba jur naduh 49 haduh 72 kynta ha kitei ki sngi, kaba lah ban ialam sha ka jingshlei um, ka jingdheng ki kali bad ka jingwa khyndew bad la btha ia ki nongshong shnong ba kin hap ban long kiba peitngor bad ban pyntip mardor sha ka kynhun ai jingiarap lada don kano kano ka jingjia kaba ktah ia ki paidbah.
La bthah ruh ia ki nongleit nongwan bad kito kiba leit jingleit sha jngai ba ki hap ban peitngor bha bad kito ki nongshong shnong kiba shong ba sah ha ki jaka ba don jingma kum ka jingtwa khyndew ki hap ban kynriah shwa shi por ban lait na kino kino ki jingjia ba sgnewsih.
Shuh shuh, la bthah ruh ba ki hap ban pynbiang lypa naduh ki marbam , ki dawai, ki mombati, ka umbam ka umdih khnang ba lada shah ktah kin lait na ki jingeh bad ruh ki lah ruh ban pyntip mardor haba don kano kano ka jingjia kumba la pyntip paidbah halor kane ka jingmana kaba ngi hap ban peitngor.
