Nongpoh Naitung 05: Ka Seng Kur Syngkli jong ka shnong Umdihar Ri-Bhoi District da kawei ka jingmut kala shim ïaka rai ban kyntaid kur noh shipor ïa u Samla Mebanker Syngkli u ba shong ba sah haka shnong Umdihar namar ki kam runar bad ki kam pynjah burom ba u tei u samla u leh bad pynjah burom ïaka kur syngkli hi baroh kawei.
Ïa katei ka la shim haka jingïalang jong ka kur Syngkli kaba la long hynnin ka miet jong ka 4 tarik Naitung 2025 hadien ba utei u samla u leh shibun ki kam runar kiba pynthut ïa ka imlang ka sahlang bad ban pynthohbria ruh ïa ka kur Syngkli hi baroh kawei.
Kum ban shu kdew tang ha kine ki khyndiat taiew une u samla u la shah kem ha ka Shnong Pahamsyiem katba u dang thmu ban khrong pisa beaiñ naki dukan kiba don haka Shnong Pahamsyiem haka kyrteng jong ka seng Ri bhoi People Movement, bad na ka Liang ka Dorbar Shnong Pahamsyiem, hadien ba ka la dep ban sneng ïa utei u samla ka la aiti noh ia u tei u samla sha ka Dorbar Shnong Umdihar ban leh ia kaba donkam, bad naka liang ka Dorbar Shnong Umdihar ki la aiti noh ïa utei u samla sha ka ki pulit ba kin pynshitom ïa u kat kum ki kyndon aiñ.
Ha ba kren sha ki ladpathai khubor naka Liang u Bah F.A Syngkli President Kur Syngkli Umdihar ha ka jingdon lang u Bah Bankitbor Syngkli Secretary Kur Syngkli Umdihar ki la ïathuh ba na ka liang ka kur ka dap da ka jingsngewsih halor ki kam runar ba utei u samla u la leh naka por shaka por bad kum ka jingpynshitom ïa u ba un kylla kaba mut ka kur Syngkli ki shim ia kane rai ban kyntait kur noh ia u shipor na ka kur Syngkli ka ban long kum ka jingsneng ïa une u samla bad kum ka kur kan dang peit pyrman ïaka jingïaid lynti jong u, bad kum ka kur kan sa pyrkhat pat da kumwei lada ka jingim jong u kan kylla.
U Bah Bah F.A Syngkli u la ong ruh ba ka seng Kur Syngkli ka pynrem jur ïaki kam runar ba utei samla u la leh namar kane kam dei shuh ka sien ba nyngkong halor ki kam runar ba u la leh badpyntip ruh ba une u samla u la donkti ruh ban tuh ïa ka generator haki snem bala leit na ka iingmane jong ka Balang Presbyterian Umdihar bad um salia shuh wat ban rung haka iing kyntang ban tuh ïaki tiar ki tar jong ka Balang bad dei halor ki tei ki kam ba u la leh naka liang ka kur kam banse ban shim ïa katei ka sienjam ba tyngeh ban tait kur syndon shipor naka kur Syngkli bad naduh kane ka sngi utei u samla Mebanker Syngkli un nym don bynta eiei shuh bad ka seng kur Syngkli jong ka shnong Umdihar.
Hakajuh ka por naka liang ka seng Kur Syngkli kila pynmap ruh na ka Balang Presbyterian Umdihar bad na ka Dorbar Shnong Pahamsyiem bad lehse ioh don kiwei kiwei kiba u Samla Mebanker u la pynsngewsih namar ki kam bymman ba u la leh, bad ha kajuh ka por ki la ai khublei ruh ïaka Dorbar Shnong Umdihar, ka Seng Samla Shnong Umdihar kiba la ïaleh ban sneng ban kraw bad ban hikai ïa u haka lynti kaba dei ïa utei u samla wat la u la leh bun ki kam kiba pynthud ïaka shongsuk shong shngaiñ jong ka shnong ka thaw.
