Shillong, Naitung 05: U Nongialam ka Bharatiya Janata Party (BJP) uba dei ruh u Myntri Sorkar u Bah AL Hek u la ong ba ka shong haka rai jong Party haba iadei bad ka mat bujli shuki Myntri Sorkar.
Lah ban kdew baka BJP kaba kyrshan iaka Sorkar synroplang Meghalaya Democratic Alliance (MDA II) ka don 2 ngut ki MLA kata u Bah AL Hek uba bat shuki Myntri bad u Bah Sanbor Shullai.
Haka Sorkar MDA I, ka BJP kala kylliang shuki Myntri mar ar snem shiteng iala ki MLA.
Haba iadei bad kane u Bah Hek u la ong “Kata kadei ka rai jong ka Party. Kano kano ka rai baka Party ka shim, ngan kohnguh beit ia kata”.
Haba kylli hato ka don ne em ka jingiasoi hapdeng ki 2 ngut ki MLA, u Bah Hek u la ong “Ia kata phi hap ban kylli naka Party bad ka Party kan sa pynshai halor kata”.
