Madhya Pradesh, Naitung 12: Kawei ka khla Thapsim (Cheetah) ba dang 8 snem ka rta kaba la ai kyrteng ruh kum ka Nabha kaba la wanrah naka ri Namibia sha Kuno National Park, ha Madhya Paradesh kala khlad noh namar ka jingmynsaw.
Ka Nabha ka la mynsaw jur kumba shi taiew mynshwa, ha ka por ba ka pyrshang ban leit wad bam hapoh ka jaka ri ïaka. Katkum ka jingïathuh jong u Cheetah Project Field Director u Uttam Sharma u la ïathuh ba ka la don ka jingmynsaw ha baroh ar tylli ki kjat ba sahkhmat bad shadien.
Watla ka Nabha ka la ioh jingsumar ha kine ki taiew ba la dep, hynrei kam shym la lah ban koit bad ka la khlad noh bad la khmih lynti ba yn dang lap shuh shuh ïaka daw tynrai jong ka jingiap jong ka hadien ka post mortem.
Da ka jingkhlad noh jong ka Nabha, ka jingdon jong ki khla thapsim ha Kuno National Park mynta ka la poi sha ka 26 ngut bad kynthup 7 ki shynrang bad 3 ki kynthei bad ki don ruh kumba 17 tylli ki khun bala kha hapoh katei ka park.
