Nongpoh, Naitung 14: Halor ka jingujor uwei u nongshong shnong na Assam sha ka ka ïingkashari ba don burom ka Supreme Court halor ki kam pynjot mariang bad ba la kynnoh ruh ba kane ka jingpynjot mariang ka la wan rah ka jingshlei um sha Guwhati, ka Central Empower Committee ba la thung da ka Supreme Court ka la wan ban jurip ha ka thain Killing ha Ri Bhoi District.
Kum ban pynkynmaw, ka Central Empower Committee ha ka 11 tarik u Naitung 2025 ka la wan ban jurip ha ki thain Killing ha Ri Bhoi District ba kynthup naduh ka USTM, ki kor tyliat maw, ka jingtih khyndew ha katei ka thaiñ ban wad bniah halor kita ki kam pynjot mariang, kaba dei hadien ba la ujor pyrshah da uwei u nongshong shnong ka Assam u Jitul Deka sha ka ïingkashari ba don burom ka Supreme Court bad ba ka Supreme Court ka la thung da katei ka Committee ban wan jurip ia kitei ki jaka ba la kynnoh ba ka don kata ka jingpynjot mariang.
Haba ia kren mynta ka sngi bad u Deputy Commissioner ka Ri Bhoi, u Abhilash Baranwal u la ong ba halor katei ka jingwan jurip ka Central Empower Committee ha ka thaiñ Killing, ka bor synshar District ka la ioh jingtip na ka tnad Forest ka sorkar jylla bad na ka liang ka bor synshar District ka la bynshet kam ruh ia u Magistrate bad ki Pulit ban synran lang ha katei ka sngi khnang ba kan nym don kano kano kaba ktah ia ka shongsuk shongsain ki paidbah.
U la iathuh halor kane ka jingwan jurip katei ka Central Empower Committee ka Supreme Court, la pynpaw ba ka dei ka jingwan jurip ia kitei ki jaka ba la kynnoh ba ka don ka jingpynjot ia ka mariaing, ha kaba la ujor da uwei u nongshong shnong ka Assam ba la don ka jingkynnoh ba lyngba kine ki kam pynjot mariang ka la wan rah ka jingshlei um sha ka sor Guwahati bad ki thaiñ khapppud ka Asssam bad Meghalaya.
Dei Ka Central Empower Committee Ka Supreme Court Ba Wan Jurip Sha Killing Halor Ki Kam Pynjot Mariang
RELATED ARTICLES
