Kolkata, Naitung 12: Ki pulit jong ka Kolkata kila kem noh ïa uwei u samla pule jong ka Indian Institute of Mangement, hadien ka jingkynnoh ba u la donkti ban batbor ïa kawei ka samla pule hapoh katei ka skulbah hadien ba kala shah pyndih da ki jingdih buaid haduh ba kam tip briew shuh.
Naka liang katei ka samla kala ujor ruh sha ki pulit haka janmiet jong ka 11 tarik Naitung ha Haridevpur Police Station wat hadien ba u tei u samla u la byrngem ïaka ba kam dei ban ïathuh briew ïa katei ka jingjia, hynrei tang hadien ka jingujor ki pulit kila kem noh ïa utei u samla bad ka jingtohkit ka dang ïaid shakhmat.
Kane ka jingjia ka wan tang hapoh shibnai hadien ba la kynnoh ba la leh beijot bad thombor ïa kawei ka samla pule ba 24 snem ka rta ha South Calcutta Law College, kaba la buh jingkylli ïa ka jingshngaiñ jong ki kynthei ha ki jaka pule jong ka nongbah.
