Itanagar, Jylliew 13:
U nongialam jong ka Bharatiya Janata Party (BJP) ka jylla Arunachal Pradesh, u Pema Khandu mynta ka sngi Palei, ka 13 tarik u Jylliew 2024, u la bam smai biang kum u Myntri Rangbah jong ka Arunachal Pradesh ha ka sien kaba lai, kata hadien ba ka BJP ka la ioh jingjop ha ki 46 tylli ki kontitwensi ki 60 tylli, ha ka ilekshon assembly kaba dang shu dep shen hapoh katei ka jylla.
Ha kane ka sngi kaba la pynbam smai ia u Pema Khandu lem bad ka kynhun myntri ka jong u ha Dorjee Khandu State Convention Center, Itanagar, la wan ban iadon ryngkat da u myntri ba dei khmih ia ki kam poh ing ka ri, u Amit Shah, u myntri iada ri, u Rajnath Singh, u myntri rangbah ka jylla Assam, u Himanta Biswa Sarma nalor kwiei kiwei de.
