Nongpoh, Jylliew 12: Ka ophis jong u District Sports Ophisar, Ribhoi District, hynnien ka sngi ka la ïoh ban sdang noh ïaka lympung ïalehkai ball jong ki skul bapher bapher jong ka Ri bhoi kaba la tip ka Subroto Cup Football Tournament, 2024 ïaka ba la ïoh ban pynïalehkai haki artylli ki madan, kata ha Madan ïalehkai ball jong ka shnong Umran Ñiangbyrnai bad ha madan ïalehkai jong ka shnong Nongjri.
Naka liang u District Sports Ophisar ka Ribhoi, Bah Bobby L Nongbet, u la pyntip ba ha kane ka Subroto Cup la wan ban ïa shim mynta daki 28 tylli ki skul bad la phiah ïaki ha ki lai kyrdan kata Under 15 jong ki shynrang bad Under 17 jong ki kynthei bad shynrang bad ki kynhun kyllum lang baroh ki la poi shaduh 54 tylli.
U la pyntip ruh ba ïa kane ka lympung yn pynïalehkai ha ki artylli ki madan ïalehkai kata ki Under 15 jong ki shynrang kin ïa khun ha madan Umran Ñiangbyrnai bad ki Under 17 jong ki khynthei bad shynrang kin ïa khun ha madan Nongjri.
Haba phai sha ki jingïalehkai haka sngi sdang, ha ka kyrdan Under-17 jong ki khynnah shynrang hapdeng Ka Evershain English Secondary School, Lumnongrim, ka la pynliem noh ia St Joseph’s Higher Secondary School, Umden da 2-1, ka Umsning Town Secondary School ka la pynliem noh ia ka Nongthymai Presbyterian Secondary School da 2-0, Ka Saiden Secondary School ka la pynliem noh iaka RBP Higher secondary school da 3-0, Ka Alpha English Higher Secondary School ka pynliem noh ia ka Sati Raja Secondary School da 7-1
Haba phai pat sha ka jinglehkai jong ki kyrdan Under-15 jong ki khynnah shynrang ha madan Umran Niangbyrnai, Ka Umsning Town Secondary School Ka la lim noh ha ka Nongkhrah Nonglyngdoh secondary school 2-0, ka Mynken Christian Higher Secondary School ka la ban pynliem noh ia ka Alpha English Higher Secondary School, Nongpoh da 8-0, Ka Mount Olive Secondary School ka la ban pynliem noh ia ka MeECL Secondary School da 4-3 lyngba tie- breaker.
PLIE KA OPHIS U DSO IA KA DISTRICT LEVEL INTER SCHOOL SUBROTO CUP FOOTBALL TOURNAMENT 2024
