Nongpoh, Nailar 03: Tang hadien ka jingpynmih khubor u MLA ka Jirang Constituency u Bah Sosthenes Sohtun banla kynnoh ba ka don ka Night Club bad ki kam Khalai ha Queen Hotel kaba don ha Jorobat bad tang ha ka sngi Saitjain pat la wan plie paidbah noh ia ka Pine Club da u Actor ba pawnam ka Boolywood u Govinda Arun Ahuja ba la tip paidbah u Govinda.
La sakhi ruh ha kane ka sngi da ka jingdon lang u Chairman ka MIDC bad myntri sorkar ba rim ka jylla u James K Sangma bad ki nongialam ka Pine Club ban pdiang burom ia u Govinda bad kiwei de ki riew pawkhmat bad ki member jong kane ka Pine Club.
Kumba la pynpaw da u Bah Mayborn Rapthap, u vice president ka Pine Club, la ong ba kane ia kane ka Pine Club la sdang mynta la kumba 2 bnai tam ei ei bad kinda don haduh 125 ngut ki member.
U la ong ruh kane ka Pine Club kaba don ha Queen Hotel Jorobat ka long hi kum ka Shillong Club ha kaba ha ki sngi kut taiew ki lah ban wan shongpyngngad ne pynlut ia kai ia ka por hadien ba ki la sngewthaid sngew jrem ha ki jingtreikam khamtam ki ophisar bad kiwei khlem da pynbor pat iano iano.
