Shillong, Nailar 04: Ha kawei na ka jingjia ba sngewsih kaba ym poi pyrkhat hynnin ka miet Sngi U Blei, san ngut ki mynsiem ba kordor ki la duh noh ia la ka jingim, kaba dei hadien ba ka kali Alto kaba ki shong ka la hap shah riat bah hajan ka Rngain kaba dei ka surokbah na Shillong sha Dawki.
Kane ka jingjia ka la Jia ha por kumba 10 baje mynmiet ha kaba kitei katei ka Kali ka dang wan na Shillong ban leit sha Langkyrdem bad sniew bok noh hadien ba la poi ha katei ka jaka ka la hap sha katei ka riat bah haduh ba baroh ki la duh noh ia la ka jingim.
Kumba la ioh lum jingtip, la ong ba ki don 5 ngut ha katei ka Kali kynthup 2 ngut ki Longkmie, 2 ngut ki rangbah bad iwei i khyllung bad baroh 5 ngut ki la khlad noh ha katei ka jingjia ba ka kali ka la hap shah riatbah.
Halor kane ka jingjia, ki Pulit ka Pynursla ki la hiar mardor ban leit iarap ia kitei ki briew kiba la ngat ha kane ka apot bad ka long pat kaba sngewsih ba baroh 5 ngut ki la khlad noh ha kane ka jingjia.
Kumba la ioh lum jinhtip ki briew ka SDRF mynta ka sngi kila hiar sha katei ka jaka ban sei ia kitei ki briew ba la khkad noh ha katei ka jingjia kaba ym poi pyrkhat satia
