Shillong, Jylliew 13:
U myntri ba dei khmih ia ka tnad pule puthi jong ka jylla, u Rakkam A. Sangma mynta ka sngi, ka 13 tarik u bnai Jylliew 2024, u hiar sha South West Garo Hills ban leit jurip ia ka Captain Williamson Sangma State University kaba don ha ka Balalgre.
Ha kane ka jingleit jurip, la iadon ryngkat da u nongaibuit ka sorkar jylla ha kaba iadei bad ka tnad pule puthi, u Bah HM Shangpliang uba dei u nalor ki dkhot jong Meghalaya State Education Commission (MSEC) bad kiwei kiwei de ki ophisar.
Kane ka jingleit jurip kadei shibynta na ka lai sngi ka jingjurip jong ki dkhot ka MSEC ia ki jaka pule puthi ka thain Garo Hills ban khmih bniah iaka rukon pyniaid ia ka pule puthi ha katei ka thain, ban lap ia ki jingduna, ki jingeh kiba iakynduh bad ban thawlad kumno ban pynbha ia kita ki jingduna bad ban weng ia kita ki jingeh na ka bynta ban kyntiew ia ka pule puthi ha ka thain bad ka jylla hi baroh kawei.
