Aizawl, Nailur 13: U Narendra Modi, Myntri Rangbah duh ka ri, mynta ka sngi u la leit ban plie paidbah ia ka Sairang Railway Station hajan ka Nongbah Aizawl ha ka jylla Mizoram, ha kaba lyngba katei ka lynti bad Steshon Rel, ha kaba lyngba katei ka Steshon Rel ba dang shu plie thymmai, ka jylla Mizoram, ka la rung hapoh ka Map ki lynti rel ha ka ri bad ka ban lah ban pyniasoh sha kiwei ki jylla hapoh ka ri.
Lyngba katei ka Steshon Rel ba la wan ban plie da u Narendra Modi, ka Mizoram kum ka jylla ka bym don don lynti ne steshon Rel, hynrei mynta ka la lah ban pyniasoh sha kiwei pat ki jylla ha India.
Ha ka jingshisha, lyngba jong katei ka sngi, ba u Modi la leit plie ia katei ka lynti bad steshon rel ha Mizoram, u la dei ruh ban pyllait paidbah ia lai tylli ki Rel, hynrei katei ka jingthmu ka la pulom noh na ka jinghap u lapbah ba jur.
Kitei ki rel, ia kaba la dei ban pyllait paidbah da u Narendra Modi, ki ia ka Daily Express na Mizoram sha Guwahati, ka Sairang-Kolkata Express kaba pyniasoh na Mizoram sha Kolkata bad ka Rajdhani Express kaba iaid beit na Mizoram sha Delhi.
Haba la dep ban plie ia katei ka Steshon Rel ha Mizoram, u Modi un leit ban plie ia ki kam pynroi ba la kot phew hajar klur ha jylla Manipur bad ha ka jylla Assam.
