Nongpoh, Nailur 13: Ha ka jingjia aksiden hapdeng ka kali kit Gas (Tanky) bad ka thuk thuk, kaba la jia mynta ka sngi ha ka por 4 baje eiei janmiet bad ha katei ka jingjia aksiden, uwei na kiba shong ha katei ka thuk thuk, u la khlad noh hashen na ka jingshah iuh ha ka Tanky bad uwei pat u la mynsaw.
Katei ka Kali Tanky ka dei kaba don ia u Number NL-01-AA-9592 bad katei ka thuk thuk kaba don ia u number ML 05 H 6209, ki don ha ka lynti ban hiar sha Guwahati, hynrei haba la poi ha katei ka jaka, la jia ka jingjia aksiden, kaba la pynlong ia uwei na kiba shong ha katei ka thuk thuk ba un sa khlad noh hashen.
Ia ka jingtip ba kham bniah halor kane ka jingjia yn dang ap na ki Pulit, Ri Bhoi, namar kat haduh mynta ki Pulit ki dang pynlong ia ka jingtohkit bad ban tip ia ka daw halor ka jingkhlad jong uwei na kiba shong hapoh katei ka thuk thuk.
