Shillong, Nailur 15: I Heprit ba dang dang 4 snem ka rta ba la tip kyrteng kum I Insaphira L Mawnai iba la jah na la la ing na Nongrah Shillong hynnin ka step jong ka Sngi u Blei dang step phyrngap katba ki baha ing ki dang ioh thiah lyngai bad mynta ka step pat la lap noh ia ka met jong I ha jan kawei ka Building ba dang shna thymmai ha ka jaka kyndong kaba lang um ha kaba ia ka met jong I la ban da u maw kaba la pynsuba sniew halor kane ka jingkhlad ine I heprit..
Kum ban pynkynmaw, ine I heprit ba dang 4 snem ka rta I la jah hynnin ka sngi na la ing, ha kaba la pynlong ruh ia ka jingiawad, ban pyntip sha ki bor pulit, ha kaba la pynlong ruh ia ka jingiawad ba kim shym la lap satia, hynrei dei haduh mynta ka step ba la lap noh ia I na katei ka jaka kaba I la khlad noh bad kaba la pynsah umdum ia ka ing ka sem ba ka rukom iap ka long kaba sngew phylla.
Halor kane ka jinglap noh ia ka met ine I heprit, la pyntip noh sha ki bor pulit ban pynlong ia ka jingtohkit bad katkum ka jinglong jingman hadien ba la lap ia ka met jong ine I heprit, la suba sniew ba ka lah ban don ei ei sha lyndet.
