Nongpoh, Risaw 02: Ka Dorbar Shnong Umdihar ha Ri Bhoi District, mynta ka sngi 2 tarik Risaw 2025 kala pyndon burom ia ka sngi kha u Mahatma Gandhi kum shibynta jong ka Campaign Swachhata Bharat, da kaba pynkhuid ia ka shnong hi baroh kawei.
Ha kane ka sngi pynkhuid shnong la shim bynta da baroh ki dong hapoh ka shnong ban pynkhuid ïa ki lynti ki synkien, ki tyllong umbam umdih bad kiwei de ki bynta hapoh ka Shnong, bad la sakhi ruh iaka jingmih ryntih jong ki Nongshong Shnong naduh ki Rangbah ki longkmie ki khun samla lem bad ki heprit ban wan rah ia ka jingkhuid jingsuba haka Shnong ka thaw.
U Bah Romel Lyngdoh Rangbah Shnong Umdihar haka jingleit sakhi ban ïadon bynta lang ha kane ka jingpynkhuid Shnong ha ryngakt ki nongkitkam shnong, u la buh ka jingkyntu ïa ki paidbah nongshong shnong ba kin don ka jingïatylli ha kano kano ka kam da kaba sdang shwa napoh ka shnong, bad u la ai jinghikai ruh ïa ki nongshong shnong ba kin tip kumno ban long kiba leh khuid bad kiba nang ban pynlum pynlang ïa ki ñuit ki ñier tang shi jaka.
