Nongpoh, Risaw 03: Ka CE Society Balang Presbyterian Umdihar mynta ka sngi ka la pynlong da ka Food Fest kum shi bynta ka jingrakhe ia ka Youth Week bad Youth Sunday bad ha kajuh ka por ban pynmih pisa na ka bynta ban kyrshan ia ka Balang ka ban sa pdiang ia ka jingiaseng Synod ha u snem 2027 ha ka Balang Presbyteian Umdihar.

Ha kane ka jingpynlong ia ka tamasa bam tynrai la shim bynta da ki khun samla ka Balang, ki Longkmie bad baroh ki paid riewngeit ka Balang, hak aba ki la wan rah ia ki jaid jingbam tynrai bapher bapher ban pyniaid iew ha kane ka tamasa bam tynrai.

Ia kane ka tamasa bam tynrai la wan ban plie da u Dr. David Lyngdoh uwei na u riew rangbah na Ri Bhoi ha ryngkat ka jigndon lang ki tymmen basan, ki nongkitkam ka CE Society lem bad ki paid riengeit ka Balang Presbyterian Umdihar.

U Tbn. SS Lapang kum u Tymmen Basan u la pynpaw ba ka jingthmu ba la pynlong ia kane ka tamasa bam tynrai ka dei shi bynta ban pynmih pisa ban pdiang ia ka synod bad ha kajuh ka por ka jingrakhe ia ka Youth Week bad ka Youth Sunday jong ki samla, ba ki samla kin kyrshan ia ka Balang ha kaba pdiang ia ktei ka jingiaseng Synod.