Nongpoh, Risaw 26: Kawei ka Trok ka la kylla syndon ha ka surokbah tang na ka daw ba ka kynriah ia kawei ka Kali rit kaba la jia mynta ka sngi ha ka por 12 baje ei ei mynta ka sngi ha Umsamlem ba hap ha ka surokbah National Highway-6 ha Ri Bhoi.

Kane ka Trok kaba la kylla ka dei kaba don ia u number NL 07 AA 4963 bad kaba la niah da u Nasir Ahmed Choudry bad ryngkat ka jingdon lang u Handyman u  Rashit Ahmed kiba dei na Silchar.

La iathuh ruh ba kane ka Trok ba kylla ka ki ia ki jjngbam  chip bad u Chocolate bad tang na ka daw ka jingkiar ia kawei ka Kali rit ka la kylla syndon ha ka Surokbah.

Ha kane ka jingjia u Dribar bad u Handyman kim shym la mynsaw ei ei bad lait noh ka jingduh kitei ki marbam.

Katei ka kali rit ruh tang mar ia kylla kane ka Trok ka la phew krad bad halor kane ka jingjia la pyntip noh sha ki pulit ban pynlong ia ka jingtohkit.