Maharashtra, Jylliew 18: Ha kawei ka jingjia kaba la saphriang sted bha hapoh ka social media, kawei ka samla kynthei na Maharastra’s, Chhatarapati Sambhaji Nagar, ka la khlad noh hashen tang na ka daw ba ka ringdur ban leh reels katba dang iaid ka kali shadien kaba kala niah. Kane ka jingjia ka la jia ha kawei ka jaka hajan ka Dutt Dham Temple kaban leit sha kawei ka krem ba la tip kyrteng kum ka Ellora.
Ha ka jingringdur ba la ring da uwei pat ia kane ka samla kaba ba la tip kyrteng kum ka Shweta Survase 23 snem ka rta, kaba la niah ia ka kali Toyota Etios ha ka por 2 baje eiei shiteng, watla kane ka samla kam pat dei kaba la tbit ban niah kali kaba dang iaid shadien hynrei ka la niah la ka niah ha ryngkat u paralok jong ka u Shivraj Mule 25 snem ka rta
Katkum ka khubor ba la iohlum, la iathuh, ba ka Shweta ka la kum bakla iuh ia u Accelerator ha ka jaka ban iuh ia ka brake jong ka kali tad haduh ba kane ka kali ka la iaid beit shadien bad hap syndon sha riat kat haduh ba ka kali ka pra hi phom bad katei ka samla ka la khlad syndon hashen.
La iathuh ruh, ba kane ka video kaba la saphriang bha, ka la kot haduh 9,935 ngut kiba la peit bad don kiba la kynthoh ruh, ba kumno kum kine ki briew ki nud ban buh ialade ha ka jingma tang ban ioh ringdur reels tad haduh ban jia haduh ba poi sha u pud jong ka jingduh noh wat ia ka mynsiem briew.
