Nongpoh, Naiwieng 26: Ka Lympung Ïa Lehkai Ball kaba la pynïaid daka kynhun ka Nongñiah thuk thuk kaba la tip ka “The Ultimate Legend Bikers Association” (TULBA) Eastern Zone ka la nang ïaid shait shait sha khmat bad mynta ka la poi sha ka jingiaknieh ban rung sha ka Semi-Final daka jingiakhun quarter Final hapdeng ka Umktieh Sports Club pyrshah ïa ka Mawpun Kshaid bad ka Umeit Sports Club kan ïaleh pyrshah ïaka Western NCB.
Ha katei ka lympung kaba la ïoh ban sdang naduh ka 18 Tarik Risaw la wan ban ia shim bynta haduh 32 tylli ki kynhun hakaba ka Lahduh kan ioh ban rah iaka song pisa kaba 1 lakh tyngka bad ka ba wan baar kan ioh ban rah 50 hajar tyngka bad katkum ka jingthmu jong katei ka kynhun ki Nongñiah thuk thuk lyngba katei ka lympung ka dei halor ka jingïohi jngai jong ki Nongialam ka jong ka ban pynmih pisa naka bynta ban kyrshan sha ki long ïing kiba duk bad kiba jynjar.
Ïa katei ka jingiaknieh rung Semi final la wan ban pynshngain da u Bah Cherbonyl Syiemlieh President ka MGDWA Central Body bad uba dei ruh u Vice President ka North Eastern States Govt. Driver’s Forum bad u bah Pynshaiboklang Diengdoh Chairman SSSS Shillong City uba long ruh kum u Vice Chairman SSSS Central Body kum ki kongsan haka jingiadonlang u Samla Damiyo Lamare Secretary ka TULBA Eastern Zone Bad haka jingkren jong u kongsan u la Pynpaw ba u dap daka mynsiem kaba riew spah lang ban iohi ba kane ka kynhun ki Nongñiah bike kin Don ïaka Mynsiem kaba riew spah dakaba wan rah ia kane ka Jingialehkai ball ban kyrshan pat iaki Longiing kiba donkam iaki lad jingiarap.
U la ïathuh ba lyngba ki Social Media la iohi ba katno kane ka kynhun ka juleh iaki kam isynei bad iaki kam kiba bha sha ka imlang ka sahlang bad dei lyngba ka jinglah jong ki ban kyrshan iaki Longiing kiba duk kaba pynlong pat ia u ban ïarap ban kyrshan lem kat kaba lah naka bynta kane ka kynhun.
Haba phai pat sha ka jingiaknieh ruh semi final haka Jingialehkai kaba Nyngkong ka Umktieh Sports Club pyrshah ïa ka Mawpun Kshaid, ka Umktieh SC ka la lah ban pynliem noh iaka Mawpun da 1 kol la 0 Bad haka Jingialehkai ka baar ka Western NCB ka la pynliem noh iaka Umeit Sports Club lyngba ka jingiashut tie breaker.