Shillong, Jylliew 19: Na ka liang ka sorkar jylla lyngba ka tnad Pulit k la pynbiang ia ki bor pahara na ka bynta ban pahara ia ka Meghalaya High Court, kaba dei halor ka jingshah byrngem ban buh bomb kaba la ioh pding lyngba ka email ha ka sngi Baar jong ka taiew.
Kane ka dei ka sian kaba ar ba kum kane ka jingshah byrngem buh bomb ha Meghalaya High Cour, ong u Pankaj Kumar Rasgania, uba dei u Supeintendent of Pollie (SP) City bad bynrap ruh ba ka tnad Pulit ka la shim khia mardor ban pynbiang ia ki bor pahara halor katei ka jingshah byrngem buh bomb kumba la shah byrnem buh bomb kaba la ioh pdiang lyngba ka email.
U la iathuh ruh ba ki bor pulit ki dang pynlong ia ka jingtohkit kaba bniah halor kane ka jingshah byrngem buh bomb ha Meghalaya High Court. Na ka liang ki Pulit ki la kyntait ruh ban ai ia ka jingtip kaba bniah bad kumba la pynpaw da u SP City kam pat don kano kano ka FIR ba la ujor sha ka tnad Pulit.
Shuh shuh, u SP City u la ong ruh hadien bala tohkit bniah ym shem la lap ei ei bad ka lah ban dei tang ka jingpyntieng pynsmiej kumba la pynlong ia ka jingtohkit bad wat la katta ruh halor kane ka jingshah byrngem buh bomb ki bor pulit ki dang pynlong ia ka jingtohkit kaba bniah, u la bynrap.
BA SHAH BYRNGEM BUH BOMB HA MEGHALAYA HIGH COURT, PYNBIANG BOR PAHARA KA SORKAR
