Ka seng Hynñiewtrep Youth Council (HYC) Mawthadraishan circle hapoh ka jingialam jong u Samla Shembor Langrin President ha ryngkat ki dkhot, hynnin ka miet sngi Saitjain ki la ioh ban kurup drok bad thyrnia inject na uwei u samla uba dei na ka thaiñ Mawthadraishan jong ka Eastern West Khasi Hills District bad kane kala pynkyndit ïaki nongïalam ka seng hadien ba u drok u la ioh rung ha katei ka thaiñ.
Ka seng kala ioh ruh ban kurup ïa utei u drok na uwei u samla dei hadien ka jingïatreilang bad ki bahaiing hasem jong utei u samla u ba la kyrni ha u drok bad haka jingkhynra jong ka seng la ioh ban kurup ïa u drok bad ki thyrnia bad naka liang ka seng kala thang lut khait.
Kane ka jingioh kurup drok hapoh Mawthadraishan ka la pynkyndit ia ka seng HYC bad kane ka dei ka sien ba nyngkong ba u drok u la rung ha katei ka thaiñ, na ka liang ka seng ka la iasyllok bad kiba ha iing ha sem jong u tei u samla bad ki la ai jingmut ruh ban phah sumar noh ia utei u samla uba la kyrni drok hapoh Rehab Centre.
Shuh shuh na ka liang ka seng ka la kyntu ruh ia ki nongialam Shnong, ki sengtrei mon sngewbha, bad khamtam eh ia ki bor jong ka aiñ ba kim dei ban kheiñ sting ïa kum kine hynrei ban peit ngor hapoh ka thaiñ Mawthadraishan bad ka Distict hi baroh kawei khnang ba u drok un ym ioh lad ban rung bad pur sha kiwei pat ki khun samla.
