Ka Phlim Besli kaba dang don ha lynti ban pynbit pynbiang ka ban sa pyni shen ha Bijou Cinema Hall kadei kawei naki phlim kaba ktik ïaka jingmut jingpyrkhat jong kiba bun shaphang ka khana jingïeid hapdeng u khun nongkyndong ba duk bad ka khun nongsor kaba riew spah, bala pruid lynti ruh ïaka jingïeid jong ki da ka sur ba syiang jong ka besli.
Ha katei ka phlim la shim bynta da u Lastone Syiemlieh bad ka Jessica Nongrum kum u tyngshop bad ka puron bala pynmih da u Mangakor Nongbri kum u Producer bad ka Kong Ibasuklin Lyngdoh kum ka Director bad ïa katei ka phlim la rai ban pyni paidbah haka 26 tarik Naitung 2024 ha Bijou Cinema Hall ha Shillong.
Haba phai khyndiat sha ka khana katei ka phlim ka puron Sandarika kaba dei ka khun nongsor kala shoh jingïeid ïa u tyngshop Manki u khun ba duk na nongkyndong bad la pruid lynti iaka jingieid jong ki da ki sur ba syiang jongka Besli haka por ba ka Sandarika kum ka khynnah ka la ia kynduh nyngkong eh ha rud nong jong ka shnong u Manki.
