Namar ka jinglong jingman bad ka jingkynad hapoh ka Ri Bangladesh, kaba don ha syndah ka jylla Meghalaya, ka Hynniewtrep Youth Council (HYC) kala bthah ia baroh ki jylli treikam (Circle/Unit) ba kin peitngor ban nym ailad ia ki briew na kane ka Ri ba kin wan rung kum ki phetwir sha u pud u sam ka Ri-lum Khasi Jaintia.
Ia kane ka jingbthah la mih da u President ka HYC Bah Roykupar Synrem.
“Ka jingiakynad bad ka jingthut ka shongsuk shongsain ha ri Bangladesh, ki lah ban shim kabu ia ka jinglong jingman ha katei ka ri bad kin wan rung bad buhai shnong hapoh ka Ri-lum Khasi kum ki phetwir. Nga kyntu ia ki shipai ka seng ba phin iapeit pyrman bha ha ki jylli treikam ki jong phi ha ryngkat bad ki bor shnong, ki bor hima ban pynthikna ba ki bar ri kiba lah ban shim kabu ia ka jinglong jingman ha katei ka ri, kin wan rung bad buhai shnong hapoh ka Ri-lum baieid jong ngi” la ong u Bah Roykupar.
