Ka Miss Universe Assam mynta ka sngi ka la lah ban pynlong iaka jingjied iaki thei bhabriew jong ka jylla Assam, ki ban ioh pat ban leit ia shim bynta ban mihkhmat ia ka jylla Assam sha ka Miss Universe India 2024 kaban sa long ha ki bnai ki ban sa wan.
Ha kane ka jingjied ia ki thei bhabriew ka jylla Assam mynta ka sngi kaba la pynlong ha Hotel Novotel jong ka nongbah, la ioh ba ki thei samla na kylleng ka jylla ki la wan shakhmat ban shah jied ialade ban ioh mihkhmat pat ia ka jylla sha ka Miss Universe India, 2024 hapoh ka jingkhmih bniah jong ki nongbishar ba kynthup ia u Amzad khan, ka Nandini Borkataki bad ka Asmita Chakraborty, kaba dei ruh ka nongjop iaka Miss Tourism India. Ha kane ka sngi la ia don lang ruh da u Director jong ka Miss Universe Meghalaya, u Bah Dominic Savio Diengdoh.
U Bah Dominic Savio Diengdoh, Director jong ka Miss Universe Meghalaya, u la pyntip ruh ba ka jingjied ia iaki thei bhabriew jong ka jylla Meghalaya kan long haka 6 tarik jong u bnai Naitung, 2024 kaba sa pynlong ha ka hotel Vivanta jong ka nongbah Shillong haka por 11 baje mynstep.
