Nongpoh, Jymmang 17: Kawei na ki kamra Air Condition jong ka Rel Rajdhani Express kaba thmu ban leit sha Delhi na Ralam Madhya Pradesh mynta ka step ka la klang ding kynsan bad ha kane ka jingjia ym shym la don kiba mynsaw.
Kumba la saphriang ha ki lad pathai khubor bad ha ki rynsan social media, kane ka jingjia ka la jia mynta ka step ha ka por 5.15 ha ka rel kaba kit 68 ngut ki passenger, ha kaba kakne ka jingjia ka lajia hapdeng ki bynta jong ka Vikramgarh A lot bad Luni Richa Station.
SA PULE RUH ||Â https://meghalayapost.news/news/ri-bhoi/nangpaw-ki-kam-babha-ka-upf-la-aiti-iaka-ing-thymmai-iaka-longkmie-ha-umsaw-nongkharai-10013387.html
La iathuh ruh ba ka ding kaba la klang ka la pynjulor ruh ia ki bynta ba kem ding jong katei ka rel.
Halor kane ka jingjia, ia ka daw tynrai jong ka jingkem ding kane ka rel ym pat shym la tip satia bad ki bor ba dei peit ki dang pynlong ia ka jingtohkit.
Kumba la sakhi, na ka dur khih ba la saphriang la iohi ba ka ding kaba shyrkhei ka la klang bad la ishyrkhein, hynrei ha kane ka jingjia donbok ba kitei ki 68 ngut ki nongshong ha kane ka rel kim shym la mynsaw bad la lah ban pynlait im noh mardor ia ki.
SA PEIT RUH ||
