Nangpaw ki kam babha ka UPF , la aiti iaka ing thymmai iaka longkmie ha Umsaw Nongkharai

Kat nangmih ki sngi ki por, ka Umsning People Front kaba dei ka wei na ka seng ka ba la mih pyrthei da ka jing thmu ban noh ki jing iarap naka bynta ki long ing ki ba shem jing eh haka imlang sahlang khamtam kito ki long ing ki ba ia kynduh jingeh ha ka jing im ka jong ki, mynta ka sngi naka liang ka UPF ka la aiti iakawei ka ing kaba thymmai sha i wei I long kmie haka shnong Umsaw Nongkharai kaba dang hap hapoh ka Umsning Constituency.

Iakane ka ing naka liang ka UPF ka la aiti sha i Kong Jenny Merry Lapang iba na ka shnong Umsaw Nongkharai da u Chairman ka UPF u Dr. David Lyngdoh, u Bah Kitdorius Dkhar general Secretary ka UPF,ha ryngkat ka jing iadon lang da u Bah Juban June Swer, ka President jong ka Ribhoi Area welfare association ka Kong Balakyntiew Umbah,u asstt Rangbah Shnong u Bah Tony Shylla, bad ki nongkitkam jong ka kynhun UPF bad ka RAWA.

PULE RUH || https://meghalayapost.news/news/sport/meghalaya-sports-minister-inspects-ongoing-byrnihat-football-stadium-project-10013366.html

Haba la ailad ia ka Kong Jenny Merry Lapang ban pynsngew halor kajing sngew ka jong i haba i la ioh ban shong ban sah pat hakane ka ing paka kaba thymmai,khlem da lah ban kun iala ka jing  sngew myllung bad jaw ki ummat jong ka jing kmen namar ki jingleh bha jong ka kynhun  UPF hapoh ka jing ialam ba bha da i Dr.David Lyngdoh i ba la sngap iaka jing sngew bad jing eh jong ka ing ka sem bad ban pynshna syndon da ka ing kaba paka bad ka ba thymmai, hakaba haki por ba la leit ki shong ha i ing trep ba la jot kaba bunsien hi lada wan kanjing lyngshop jong ka mei mariang ki hap ban shong rit mynsiem. Kane ka jing lehbha jong ka UPF ka la long shisha ka jing phah jong u Blei u ba la sngap lang iaki jingduwai jong ka ing ka sem.

Naka liang u Dr. David Lyngdoh haba kren u la ong ba kane ka dei ka jing leh jong u Blei u ba la ai ka ka jing kyrkhu jong u iaka ing ka sem jong i kong Jenny Merry, bad ubla ong ruh ba phim dei ban iam hynrei dei ban kmen iaka jing leh bha jong u Blei, bad kane ka ing ka dei ba tang shipor hynrei dei ban pynkhreh iala ka jaka shong neh ha Bneng, u la ai khublei kyrpang ia ki dkhot jong ka UPF ki ba la pynlong iakane kankam kaba bha ba kan urlong kumne namar khlem ka jing ia trei lang bad ia sam jingmut lang ka bor pisa kam long eiei. Bad khatduh iawai u la kyrpad ia i ne i kong ba im dei ban ai khublei ia u lane iaki khun bynriew hynrei phi dei ban ai khublei ia u Blei.

SA PEIT RUH ||