Jowai, Jylliew 10: Ka District Disaster Management Authority jong ka West Jaintia Hills District kala pynmih ka jingmaham sha ki paidbah hadien ka jingpyntip na ka Indian Meteorological Department ha kaba kan sa don ka jingjur slap ryngkat u pyrthat bad ka lyer ha kine ki khyndiat sngi ka ba lah ban neh haduh ka 12 tarik mynta u bnai Jylliew haka thaiñ West Jaintia Hills District.
Kumta la bthah ïaki paidbah baroh ba ki dei ban long kiba phikir bad peitngor ban kiar na kaba mih shabar lada ym donkam, ban pynjngai naki tiar elektronik kiba lah ban don jingma khamtam ki dieng ilektrik, ki waiar kiba hap, ki tiar kiba hap ban hap bad lait namar ka long ka jingma.
Sa pule ruh: Pynher Dorkhas Ka KSU Sha U Conrad Ban Dawa Pynlait Bai Bam Ïa Ki Samla Pule
La bthah ruh ïaki paidbah ba kim dei ban leit jngi ne leit sha ki wah ne ki jaka ba lah ban don ka jingtwa khyndew ban lait na kano kano ka jingjia ba sngewsih bad ka jingma.
Kumta la kyrpad ïaki paidbah ba lada don kano kano ka jingjia ki dei ban pyntip mardor sha ki bor ba dei peit, khnang ba yn lah ban leh ïa kaba donkam.
Sa peit ruh
