Nongpoh, Ïaiong 06: Ki runar bym lah ban ithuh durkhmat kila leit ban kyndang ïaka ATM mashin jong ka The Meghalaya Co-Operative Apex Bank Ltd. Bhoirymbong Branch bad ioh ruh ban rong tuh ïaka pisa kumba T.7,77,500/-.

Katkum ka jingtip bala ioh lum la ong ba kane ka jingjia kala jia haka bynta jong ka miet 05 tarik ïaiong haduh ka step jong 06 tarik ïaiong, ha kaba kitei ki runar kila leit ban leh ïakatei ka kam haka ATM jong katei ka bank kaba don haka shnong Lumdaitkhla, Bhoirymbong bad ïa katei ka jingjia la lap da u nongap pahara jong katei ka bank haka por kumba 8 baje eiei haka step jong ka 6 tarik, haka por ba u mut ban lei plie ïaka ATM.

Naka liang u Branch manager jong katei ka Bank u la ujor ruh da ka ejahar ha Khapmara PIC ban thwet ïaki runar ba donkti ha katei ka kam bad naka liang ki pulit kila register case ha Umiam PS Case No 20(4)2026 U/S 305(a)/331(4)/324(5)/61(2)(b)/3(5) BNS.