Kumba 200 ngut ki samla pule na India ba kynthup 39 na Meghalaya mynta ka sngi kila jam ïaka Sonamura ha khappud Tripura hadien ba kila wanphai na Bangladesh haka por 4:30 haduh 5:30 janmiet mynta ka sngi bad naka liang ki heh sorkar ka jylla Meghalaya kila ïatreilang bad ki heh sorkar Tripura bad kumjuh ruh ki bor ba dei peit ka Indian Embassy ha Bangladesh naka bynta ban pynthikna ïaka jingshngaiñ jong kitei ki samla ba wanphai.
Na ka liang jong u Deputy Commissioner (DC) bad u Superintendent of Police (SP) ka Sonamura ki la pynkhreh ruh ka bam ka dih naka bynta ki samla ba wanphai na Bangladesh. Nalor kata, la pynbeit ar tylli ki bus ryngkat ka jingpahara ha khappud Sonamura ban pynthikna ïa ka jingsuk bad jingshngaiñ jong ki samla pule katba ïaka bam miet jong ki la pynkhreh da u DC ha Circuit House Khliehriat.
