Kum ka jingiarap na ka bynta kito ki longïing kiba la shah ktah ha ka jingshlei um ha Garo Hills, ka sorkar jylla lyngba ka Rerapara C&RD Block mynta ka sngi ka la leit sam da ki mar bam kum ka jingiarap sha kito ki longing ba shah ktah ha ka jingshlei um ha Garo Hills.
Mynta ka sngi lyngba ka ophis u BDO ka Rerapara C&RD Block, ki la lah ban sam ia ki marbam bad kiwei kiwei ki jingiarap sha ki 226 tylli ki longïing kiba shah ktah ha ka jingshlei bad ki shnong kiba la shah ktha ki kynthup ia ka shnong Goramara, Garobadha, bad Modhupara ba hap ha ka Rerapara C&RD Block ha South West Garo Hills.
Haba sam ia kitei ki marbam bad ki jingiarap sha kitei ki lanot shlei um, la don lang u BDO ka Rerapara C&RD Block bad ruh u Executive Magistrate, u Armand Ch. Momin, MCS, kiba la sam lang ruh ia kitei ki marbam ba la ai jingrap da ka sorkar sha kitei ki lanot shlei um.
Kumba la ioh lum jingtip, la ong ba la kumno kumno kumba 1,722 ki nongshong shnog na ki 266 tylli ki longïing ki la ioh pdiang ia ki marbam bad kiwei ki lad jingiarap mynta ka sngi , hadien ba ki la shah ktah ha ka jingshlei um kaba la jia ha kine ki khyndiat sngi na ka daw ka jingther u lapbah ha katei ka thain ha Garo Hills
