U myntri rangbah ka jylla, u Conrad K. Sangma, ha ka jingleit jurip ia ka shnong Mellim ha South West Garo Hills, na ka bynta ban ia kynduh kyrpang ia ki nongri ngap, ba la tip kum ka Mellim Area Bee Keepers Association, la ai ka jingiaroh kaba khraw ia ki nongri ngap kiba la lah ban pynmih ia ka umngap kaba paka na katei ka thaiñ.
Ha kane ka jingleit jurip jong u myntri rangbah ka jylla, u Conrad K. Sangma dang shen ha ka shnong Mellim ha South West Garo Hills, u Sangma u la pynpaw ba iapbiej ia kane ka shnong, namar na kane ka shnong ki don haduh 200 ngut ki nongri ngap, kiba pynmih ia ka umngap kaba paka bad kabab ha tam na katei ka shnong.
Haba kren sha kitei ki nongri ngap, Myntri rangbah ka jylla, u Conrad K. Sangma, u la pynthikna ruh ba ka sorkar jylla kan ai ia ka jingkyrshan na ka bynta kine ki nongri ngap bad kum ki nongi ngap ruh ki dei ban dang trei shitom khnang ba kane kan long ka lad ai kam ai jam ia ki, na ka bynta ban kyrshan ia ka ïing ka sem.
Shuh shuh,, lyngba jong kane ka sngi, u Conrad K. Sangma kum u myntri rangbah ka jylla, u la leit ruh ban ia kynduh ia kiba bun ki noingshong shnong bad kum ki nongshong shnong ki la pynpaw ruh ia ki jingeh hakhmat jong u, ba kynthup kum ka jingdonkam ban maramot ia ka surok, ka jingduna ka umbam ka umdih, ka jingthud ka bording ilektrik bad ki jingeh ba ia kynduh da ki samla pule bad ruh ki longkmie ba armet.
