Nongpoh, Ïaïong 20: Tang na ka daw ka jingbret khlem akor ki nongshong dukan ïa ki jaboh ha ki Nala um ki nongshong shnong naduh ka thain 11 mer haduh ka thain Khanapara ki la hap syrtong ha ka leit ka wan ba ka jingshlei um ka ktah jur tang shu wan u lapbah.

Ka seng FKJGP Baridua Circle kaba la lap da ki jong ki khmat ïa kaneka jingbret khlem akor ki nongshong dukan ïa ki jaboh ha ki Nala Um, ka la pynpaw ïa ka jingsngewkhia kaba jur, namar kumba la sakhi mynta ka sngi hadien ka jinghap u lapbah ka la pynshlei ïa ki Nala um haduh ba la ktah ïa ki khynnah skul ba leit skul, ki paidbah ba leit ba wan ba ka umsaw kala shelei ha ki surok paidbah bad ha ki nala um.

Haba kren halor kane ka jingshah ktha ki paidbah na ka jingshlei  um, u President ka FKJGP Baridua Circle u la ong ba kine baroh ki jingshlei um ki jia man ka por ba hap u lapbah, ka dei ka jingleh khemakor ki bar jylla ba shong dukan kiba ju bret ïa ki jaboh ha ka por mynmiet sha ki Nala um jong ka surokbah National Highwah.

U la ong ruh ba kane ka jingbret jaboh ki dei ki bar jylla ba shong dukan naduh ki dukan doh, ki dhaba, ki dukan jhur bad kiwei kiwei kiwei ki dukan bad kaba kham sngewkhia ki ju bret ïa ki jaboh sha Nala um tang haka por mynmiet.

Halor ka jingud ki nongshong shnong halor kane ka jingshah ktah naka jingshlei um ka la pynlong ïa ka seng ban shim khia ban jurip bad na ka liang ka seng ka la maham jur ba lada dang lap ïa kiba bret jaboh sha ki nala um kan leh da kaba tyngeh bad ïa kane ka jingeh bad ka jingbret jaboh da ki nongshong dukan sha Nala Um ka seng kan sa ai jingtoh sha ka ophis u Deputy Commissioner ban pynshitom katkum ki kyndon ain, ong u Bah Denis Nongrum President ka FKJGP Baridua Circle.