Shillong, iaïong 20: Ha kawei na ka jingjia kaba ym poi pyrkhat kawei ka Kali Bolero Pick Up kaba don ia u number ML 05 AD 5514 ka la ngat haka jingjia ba sngewsih bad shah ban syndon ha ki mawbah bad ka khyndew kaba la twa kynsan katba ki dang poi ha Mawlieh, Langkyrdem ha ka thain Pyrnursla.

Katkum ka jingioh lum jingtip, la ong ba kane ka jingjia ka la jia ha ka poe 4.30 shiteng janmeit ha kaba kane ka Bolero Pickup ka dang wan na Shillong bad hadien ba la poi ha katei ka jaka ka la ngat ha katei ka apot haduh ba katei ka Kali Bolero Pickp ka la shah ban shapoh na ka jingtwa kynsan ki Maw bad ka khyndew. La ioh jingtip ruh kaba malu mala, ba ki don 3 ngut ki biew ha katei ka Kali Bolero Pickup bad ym pat tip bniah pat kaei kaba la jia ia ki ha kane ka jingjia ba sngewsih.

Na ka laing ki bor pulit na Pynursla ruh ki la hiar mardor sha katei ka jaka ban leit iarap bad ban pynlong ia ka jingtip kaba bniah bad kumba long haduh mynta ym pat tip thikna kaei kaba la jia ia ki briew ba don hapoh katei ka Kali bad katei ka Kali pat ka la jot syndon phum na ka jingban u Mawheh bad ki khndew.