Manipur, Jylliew 11: Tang hadien ka jingpynlait ïa ki 14 ngut ki Kuki kiba la shah rahbor hapdeng ka met kaba koit ka khiah, ka metiap jong 6 ngut ki suba ba dei ki Naga pat bala shah rahbor haka seng kieng atiar jong ki Kuki haka 13 tarik Jymmang 2026 la lap da ki pulit jong ka Manipur ha Kangpokpi District haka 10 tarik Jylliew 2026.
Watla ym pat lah ban pynthikna pura la ki dei ne em ki Naga kiba la shah rahbor hynrei la suba jur ba kitei ki 6 tylli ki metiap ki dei ki 6 ngut ki Naga kiba la shah rahbor na ka shnong Leilon Vaiphei, naduh ka 13 tarik Jymmang 2026 ha kaba naduh katei ka por ym lah ban tip shaei ki don, hynrei da ka jingtrei shitom jong ki pulit ka jylla Manipur, ki shipai ka Assam Rifles bad CRPF la lap ïa 6 tylli ki metiap bad la rah noh ïaki sha jaka buh metiap ha Jawaharlal Nehru Institute of Medical Sciences, kaba la mih ruh ka jingpyrshah ha kaba ki bor pahara ki hap ban pyndonkam da ki kuli pynsat khmat ban pynpra ïaki paidbah.
Sa pule ruh:Pynthikna Ka Sorkar Kmie Ïaka Jingtyrwa Ïaka NEIGRIHMS Ban Ïoh Ïaka Kyrdan INI: A.L Hek
Lah ruh ban kdew hangne ba 6 ngut ki Naga ba kynthup 2 ngut ki pastor kila shah rahbor haka 13 tarik Jymmang hadien ka jingshah pyniap jong 3 ngut ki pastor ha Kangpokpi, hynrei naka liang ki Naga kila pynphai noh ïa kitei ki Kuki ha ka rukom kaba suk ba saiñ, katba kaba sngewsih ka long ba kitei ki 6 ngut pat ki Naga kila shah pyniap dusmon, kaba la wanrah biang ka jingkynad kaba jur ha Manipur bad naka liangka United Naga Counil kala dawa ruh ïa ka Symbud Myntri Rangbah ka jylla Manipur ka Nemcha Kipgen ba ka dei ban hiar shuki noh.
Haba kren sha ki lad pathai khubor u president ka Liangmai Naga Council (LNC) ha Manipur u Timothy Wijunamai u la ong ba ngi dang shu ioh ïa ki met iap jong ki 6 ngut kiba la shah rahbor ha ki lehnoh Kuki ha ka 13 tarik Jymmang, ha ka jingkyndit kaba khraw, ngi la ioh pynban da ka met iap bad sngewlyngngoh ïa ka rukom pyniap jong ki.
Haka juh ka por naka liang u Neiphu Rio Chief Minister ka jylla Nagaland u la pynrem jur ïa kane ka jingjia namar ka kaei kaba pynpangnud ka long ba kane ka jingjia kala jia hadien ba ki Naga kila pynlait suk bad aiti ïa 14 ngut ki Kuki haka rukom kaba suk ba saiñ bad khlem kano kano ka jinglehbeiñ.
Sa peit ruh
